Por Manuel Pérez Lourido
Que
España é un país de pequenos xenios é algo ben sabido. Non o digo
pola talla media, porque está xa a carón da europea, senón porque
sempre destacamos en xenialidades digamos lixeiras
coma o de poñerlle un pau a unha baieta, asasinar touros e cobrar
entrada para velo en directo ou inventar o autoxiro, un artefacto
aéreo que non se volveu a ver polo aire. Sabido é que somos os
inventores das quixotadas
e de refráns inexistentes noutras linguas e mentalidades coma: a
chulo, chulo e medio. Así somos
nós, que cada vez somos menos baixiños, católicos e sentimentais
(isto último máis por forza que por outra cousa). Hai un tempo
saltou unha noticia sobre un señor periodista que lle facía os
discursos a un alcade mallorquín e escribía tamén crónicas
gabándoos no periódico. Non podo dicir se cobraba por esas crónicas
marcianas, pero tampouco me extrañaría. Estrañarse destas cousas,
a estas alturas, é un luxo o unha boutade,
ou ambas.
Digo
eu que menuda merda de discursos escribía este home cando tiña que
sair el mesmo a loubalos. Imaxínoo vestido de toureiro diante do
ordenador, calculando os adxectivos, ou sen calcular nada. Total.
Cunha canción de Manolo Escobar soando no windows media mentras
tecleaba (xa nin digo cal, sí, esa). Ese peazo
de periodista español aí en carne viva, españoleando. Ese xenio
cativo e ata agora anónimo, reducindo a vergoña a unhas dimensións
pola ciencia descoñecidas. Ole y ole.
E
lembro tamén agora uns versos dun vasco que vivíu nunha época no
que non ese calificaba de fascismo ou retrógado, nin siquera
conservador, o feito de preocuparte por España. Xa, para empezar,
podíaselle chamar así, non facía falla dicir estado
español ou nación
española. Bueno, que me vou.
Estou falando de Blas de Otero. Estou falando de aquelo de España,
camisa blanca de mi esperanza. E
traióo aquí porque iso é o que nos queda: a esperanza.
No hay comentarios:
Publicar un comentario