Un vento percorre a aldea. Tenho frío e empesa a
anoiteser. Un sentimento desolador
éncheme o corpo. Estou soia no mundo, onde foi a xente?
Seghuramente houbo un asidente nuclear ou vinheron os
sombis e morderon a todos. Vou examinar o terreo, a minha meta é a
supervivensia. Vou resistir, son unha mulher de recursos e se atopo un
espesimen masculino terei que repoboar o planeta. Tenho choio por diante.
Aghora que o pensó xa
había sinais que anunsiaban o apocalise. Raro… moi raro que houbera dun tempo a
aghora tantos rapases chineses que quedaran atrapados entre paredes, ferros ou
buratos especialmente estreitos, coma se foran casualidades, aínda que véndoo
ben, seghuro que había conexión . Sinais confusas que aghora van cadrando coma
pesas dun pusle maldito. Non pode ser!
Canta responsabilidade!
Ispesiono a aldea e doume conta de que os animais non morreron.
Vai ser un espediente equis. Equis- equis, xente xoven, o bar de moda na comarca; xoubinhas fritidas,
xabaríns que destrosan o milho, xubidubi xubidá… nunca mais vou experimentar
esas sensasións. Bueno, o dos xabaríns e mailo das xoubinhas pode que volva a
velo, seghen vivos.
Entro na taberna. Aínda
arresende ó cosido do mediodía. Colho unha botelha de licor café e doume conta
de que non me vai cobrar ninghén. Hai que ver o positivo do asunto. Con todo o
que ten Pepe na bodega beberei ata que morra de velha. Brindarei por todos os
vesinhos carbonisados polos marsianos sen escrúpulos e sedentos de sanghre
humana: Dende o oni botan unha lus que leva á xente coma se fora un asensor ata
dentro. Alí fanlhe experimentos crueis, pónhenlhe chis no serebro e chúchanlhe
o sanghre coma se fora cocacola. Xente mala, bichos verdes con cornetas por
ourelhas, ventre hinchado e descoloridos. Poderei castralos?
Anoitese e vou cara á
casa. Hai lus no caminho e penso que non vou a aforrar enerxía nunca máis. De paso entro na casa da Piti e aproveito
para ir ó llacusi. Voulhe botar mistol para que fagha moita espuma, qué
gratificante é o banho de burbulhas! Deixo todo cheo de espuma, non importa.
Aghora vou colher unha bata desas que usa ela, que paresen vestidos das
xaponesas, tan brilhantes e tan suaves. Esa Piti, hai que reconheselo, sabía
vivir, minha pobre. Vou faser un bocadilho antes de que resese o pan con esa
latinha de ovos neghros pequerrechos que ten na neveira e que nunca me dá cando
vou a queixarme á súa casa logho de que bote
as ghalinhas do seu xardín. “El caviar
lo guardo para las visitas VIP, Femia. Es de Beluga y cuesta un pastizal, si
quieres, tómate un agua con Imelda, que está aburrida, sólo habla tagalo”.Vaia
asco, case ghomito. Esto cheira a peixe podre. Parese que a estou ouvindo, con
esa vos de pito berrona…
-¡Dios mío, ladrones! ¡El
suelo lleno de jabón! ¡El caviar en el fregadero! Cuchi, ven, cari, qué horror! Ya te dije que
no había que confraternizar con la gente del
pueblo. Esa reunión de vecinos me
aburrió. ¡Qué me importa si traen la
Panorama o cualquier otra para las fiestas! ¿Y dónde se metió Imelda? Esa chica
cada vez está más dispersa, seguro que tiene novio.
Pontedrón, ano sero. O
mundo presisa de mín, eu non presiso nada. Xa non tenho que seghuir estudando
inghlés. Unha pena, xa case sabía a cansión de Meripí, Meripí, Meripí,
Meripíííí aguanchu meriwinsi, Meripí, Meripí.
Apertas.
Por que non publicades esto en libro. Sería un grhan livro.........
ResponderEliminarAnónimo: aghradésese a intensión, pero eu non podo dar a conheser a minha identidade. Imaxina a presentasión do libro, non saio viva de alí. Hai moito rencoroso solto.
ResponderEliminar