A REVOLUSIÓN SESUAL.

Por Femia Castradora

Ben é sabido que eu tiven a honra de inisiar a revolusión sesual na aldea, cando volvín de París e fixen unha fogheira cos sosténs da minha nai na leira. Os meus xa os queimara antes.

Foi unha temeridade, xa que co paso dos anos a forsa da ghavedá non perdoa.

Foron uns anos nos que a xente abría os olhos e descobría mundos novos e perversións sen límite. A ghosar! Pero tamén houbo frustrasións, coma a que tivo Visente o aghuardenteiro. Foi ver unha película dunha mosa que lhe chamaban Enma Muelhe, e quedou tan impresionado que quixo mercar un silhón de mimbre coma o que tinha a Enma Muelhe. Coma non a atopou, díxolhe ó sesteiro que lha fixera e espricoulhe coma a quería. Pero o pobre home non daba co modelo, acostumado coma etaba a faser outro tipo de cousas cos vimbios.

Acabou farto de Visente e o seu silhón e ó final fíxolhe unha banqueta para a cosinha e iba que chuta. Antes non era coma aghora, que atopas cousas que saen hoxe manhán nos chinos.

Cos métodos anticonsetivos non había problemas. Dende sempre sábese na aldea que  o melhor para non quedar ensinta é o licor café. Hai que darlhe ó individuo unha dose que vai dende unha botelha a dous, dependendo da enverghadura e o aghuante do suxeito pasivo. Non hai falho. Non se volve a ter notisias del ata polo menos o día seghinte, que o pasará caladinho na habitasión, coas contras das fiestras pechadas coma se fora un vampiro, coa cabesa petándolhe coma se tivera dentro dela dousentos cabalos entrando no curro a piques de xuntarse cos aloitadores.

Tamén houbo incomprensión cos pioneiros dos espetáculos porno. Aínda se fala hoxe de Manuel e Amalia, "os Pernadas", que todos temos alcumes na aldea. Eu son " a Coitelada" de toda a vida.

Pois o dito, ós Pernadas viron que había un oquinho no mercado local sen esplotar e desidiron ir ó campo da festa e no palco da música montar o que hoxe chamaríamos unha performans sesual. Os espetadores pasaron da incredulidade, cos olhos abertos coma pratos, á casa e captura dos protaghonistas da performans con paus. Ían liderados polo cura, que era o que mais corría logho dos Pernadas, que fixeron ghala do seu alcume e chegharon á salvasión do seu foghar nun tempo que nin Usaín Bolt na súa melhor carreira.

Faghamos un ato de contrisión e lembremos a todos os que contribuiron á revolusión sesual . Ghrasias a todos eles.

Apertas.